ვცხოვრობ ქუთაისში და ვმუშაობ არასამთავრობო ორგანიზაციაში, მონაწილეობითი ბიუჯეტირების პროექტის შესახებ მეგობრებმაც მითხრეს, თუმცა მეტწილად სოციალური ქსელების დახმარებით გავიგე და დავინტერესდი.
იდეაც მალევე დამებადა, ყველანი ვყოფილვართ საზღვარგარეთ და გვინახავს
ცნობილი ადამიანების გრაფიტები თუ სტენსილები ქალაქებში, ჩემი იდეაც ამას გულისხმობს:
ქუთაისელი მოღვაწეების პორტრეტების გრაფიტების გაკეთებას ქალაქის ირგვლივ , მათი ცნობილი
გამონათქვამების, ციტატების თანხლებით. ჩემი აზრით, ამჟამად ის ცარიელ კედლები, რომლებიც
არაფერს ასხივებენ ამჟამად, გამონათქვამებისა და პორტრეტების დატანის შემდეგ დამშვენდება
და გამოცოცხლება.
ამ პროექტის განხორციელებით, ვფიქრობ ქალაქი ურბანული კულტურის ელფერსა
და ახალ ნიშანთვისებას შეიძენს, დადებითან იქნება აღქმული და ასევე იმოქმედებს ადამიანების
განწყობასა და ხასიათზე, როგორც ადგილობრივებზე, ასევე სტუმრებზე.
ქუთაისს დღეს განსაკუთრებით სჭირდება ასეთი პროექტები, რომელიც ცნობადობას
მოუტანს, ან შეგვახსენებს იმ პირებს, რომლებიც აქ ცხოვრობდნენ და ჩვენი მხრიდან მათი
ღვაწლის დაფასება იქნება. ასევე ვიზუალური ეფექტი იქნება ძალიან ლამაზი, ვფიქრობ ადგილობრივებსაც
და ტურისტებსაც ძალიან მოეწონებათ და ქალაქს შეემატება კიდევ ერთი ატრაქცია. სწორედ
ამიტომაც, მოვუწოდებ ქუთაისის მოსახლეობას მხარი დაუჭიროს პროექტს.
იდეის ავტორი:
მათე ჩაფიჩაძე
Comments
Post a Comment