ამჟამად ვარ ქუთაისის დამოუკიდებელი ცხოვრების ცენტრის კონსულტანტი. შშმ პირებზე ადვოკატირებას ვეწევი სხვადასხვა საკითხებზე. მონაწილეობითი ბიუჯეტირების შესახებ შევიტყვე სოციალური მედიის დახმარებით, ასევე ჩემი კოლეგებისგან.
ჩვენი პროექტი ითვალისწინებს ტურისტულ და ხალხმრავალ ზონებში, სადაც მასიურად
მოძრაობს ხალხი, მოეწყოს ულტრათანამედროვე სველი წერტილები. აღჭურვილი თვითმწმენდი
ტექნოლოგიებით, კარის გაღებისა და დაკეტვის ავტომატური სისტემებით, თვითმწმენდი იატაკით,
ხელსაბანით, უნიტაზით, ბავშვის გამოსაცვლელი მაგიდით, სარკით და ა. შ.
ეს იქნება საზოგადოებრივი მნიშვნელობის ადაპტირებული საპირფარეშოები, ყველა
კატეგორიის მოქალაქეებისთვის (შშმ პირები, ხანდაზმულები, ბავშვები, ტურისტები).
ეს ძალიან მნიშვნელოვანია ინკლუზიური ტურიზმის მიმართულებით, რომელიც ერთ-ერთი
პრიორიტეტია ქუთაისის მუნიციპალიტეტისთვის.
მსგავსი იდეა მქონდა წინა წლებშიც და ვთვლი, რომ ის ახლაც აქტუალურია. ვფიქრობ, რომ ამ მიზნობრივი ჯგუფების და ზოგადად, მოქალაქეების საჭიროებები დაკმაყოფილებული იქნება და მათთვის ქალაქში გადაადგილებაც უფრო კომფორტული გახდება.
იდეის ავტორი:
თამთა გირგვლიანი
Comments
Post a Comment