საბავშვო მინი პარკი

 ძელქვიანის მუნიციპალიტეტის ადმინისტრაციული შენობა დგას ტერიტორიაზე, სადაც არის ყოფილი სკვერი. ჩემი უფროსი  შვილები ამ პარკში გავზარდე, როგორც ვიცი, ის ადრე ძალიან მშვენიერი იყო და ყოველთვის გული მწყდებოდა, რომ მას ძველი იერსახე დაკარგული ჰქონდა. დავფიქრდი, რატომაც არა, იქნებ შეიძლებოდეს, რომ ამ პარკს მეორე სიცოცხლე ვაჩუქოთ და ჩვენი უბნის ბავშვებს  შორს არ უწევდეთ წასვლა სათამაშოდ და დროის სახალისოდ გასატარებლად.

აღნიშნული ადგილმდებარეობა გვაძლევს საშუალებას, მოეწყოს ულამაზესი მინი პარკი. შეკეთდეს და აღდგეს შადრევანი, დაიგოს ქვაფენილი და გაკეთდეს ველობილიკი,  შემოიღობოს ტერიტორია, დამონტაჟდეს საქანელები და ატრაქციონები, გაკეთდეს მინიბუფეტი.

ასევე, შესაძლებელია, სკვერს სტუმრობდნენ  ანიმატორები, გასართობი პროგრამებით, ჩატარდეს საბავშვო მუსიკალური ღონისძიებები და თოჯინების თეატრი… ეს პროექტი შესაძლებელია ფინანსურადაც მომგებიანი გახდეს ქალაქის ბიუჯეტისთვის. ასევე, დასაქმდეს რამდენიმე ადამიანიც.

პროექტის შედეგად, მივიღებთ ულამაზეს მინი-პარკს, ბავშვების საყვარელ გასართობ ადგილსა და რეკრეაციულ ზონას.

იდეის ავტორი:

ეკატერინე საკანდელიძე