ჟურნალისტი ვარ. ცოტა ხნის წინ
სტატია მოვამზადე ფელიქს ვარლამიშვილის შესახებ და კათოლიკების უბანზე. ეს უბანი არის ძალიან საინტერესო თავისი ისტორიით,
შესაბამისად ტურისტული თვალსაზრისითაც. სწორედ აქედან გამიჩნდა ჩემი პროექტის ინიცირების
იდეა.
სამწუხაროდ, არა მარტო უცხოელებმა,
არამედ ჩვენმა თანაქალაქელებმა და ქართველმა ვიზიტორებმაც კი არ იციან, რომ ისინი იმ
ქუჩაზე დააბიჯებენ, სადაც მსოფლიო დონის ორი ხელოვანი - ფელიქს ვარლამიშვილი და ზაქარია
ფალიაშვილი დაიბადნენ და ცხოვრობდნენ.
ვინაიდან, ქუჩაზე ქალაქში
ჩამოსული ტურისტების უმრავლესობა ხვდება, საინტერესო იქნება, მისი გარკვეული მონაკვეთი
გადავაქციოთ ერთგვარ საგამოფენო სივრცედ და ადამიანებს მივცეთ საშუალება, გადაადგილების
პარალელურად იმოგზაურონ მუსიკისა და მხატვრობის სამყაროშო. წარმოდგენილი საპროექტო
იდეა ითვალისწინებს ქუჩის გასწვრივ, ტროტუარზე ეგრეთ წოდებულ 10- მდე "ლაით ბოქსის"
განთავსებას, რომელშიც გამოიფინება სცენები ზაქარიას ოპერებიდან და რეპროდუქციები ვარლას
ნამუშევრებიდან.
ეს პროექტი მნიშვნელოვანია იმისთვის, რომ პოპულარიზაცია გავუწიოთ ამ ორ ბუმბერაზ ადამიანს, ფელიქს ვარლამიშვილსა და ზაქარია ფალიაშვილს. გავზარდოთ ამ ადგილებისა და ზოგადად ქუთაისის ტურისტული პოტენციალი და გარდა ამისა, მგონია, რომ გამოფენა ვიზუალურადაც დაამშვენებს ქუჩას, რადგან ეს იქნება ე.წ. მუზეუმი ღია ცის ქვეშ.
იდეის ავტორი:
ხვიჩა ვაშაყმაძე
Comments
Post a Comment