თბილისში, ჯავახიშვილის სახელმწიფო უნივერსიტეტში ვსწავლობ. ამჟამად ქუთასში ვარ და მეტი საშუალება მქონდა მეფიქრა რა იდეა მოუხდებოდა ყველაზე მეტად ჩვენს ქალაქს.
პროექტის შესახებ ინფორმაცია შემთხვევით ვნახე ფეისბუქზე. მაშინვე
გამახსენდა ერთი იდეა, რომლის განხორციელება დიდი ხანია მინდოდა საქართველოში.
იტალიაში სტუმრობისას ვნახე ე.წ. თეთრი ღამეები. თუმცა იქ ამ ღონისძიებას ცოტა
სხვა სახეა აქვს. წელიწადში ერთხელ ეწყობა ბაზრობა სადაც განსაკუთრებით დაბალი
ფასებია. ეს ზოგადად გახდა ჩემი შთაგონების წყარო და მინდა მოეწყოს ღამის
თავისუფალ ბაზარი, რომელიც გაიმართება კვირაში ერთხელ, ღამით ცენტრალურ მოედანზე,
ბაზრობაზე „სელერებად“ ყოფნა შეეძლებათ სტარტაპერებსა თუ სხვადასხვა პროდუქციის
(საკვები, ტანისამოსი, აქსესუარები, ყვავილები თუ სხვა) რეალიზატორებს. პროდუქციის
ფასები იქნება შეღავათიანი. გაიმართება სხვადასხვა გასართობი აქტივობა, გათამაშებები,
შეჯიბრება, დეგუსტაცია, მხატვრების გამოფენა-გაყიდვა და ა. შ.
თეთრი ღამეების დროს ახალგაზრდებს მეტი სტიმული ექნებათ იყონ გარეთ, როცა ქალაქი არ იქნება ცარიელი. ამ ღონისძიებებზე სტუმრები სხვადასხვა ქალაქებიდანაც ჩამოვლენ. ქუთაისს ძალზედ უხდება დღესასწაული, მაგალითად ქუთაისობაზე ყველა მხიარული და ბედნიერია. ამ პროექტის კი პატარა ქუთაისობა გვექნება ყოველ კვირა. ეს კარგი საშუალებაა ქალაქის გამოცოცხლების და ქალაქის ეკონომიკასაც წაადგება, რადგან დარწმუნებული ვარ სხვა ქალაქებიდანაც გვეყოლება სტუმრები. ამიტომ მოვუწოდებ ქუთაისელებს მხარი დაუჭირონ ჩვენს პროექტს. პროექტი მნიშნელოვნად დაეხმარება მწარმოებლებს თავიანთი პრდუქციის რეალიზებაში. თავისუფალ ბაზარშუ თავადაც ვაპირებ სელერად ყოფნას. ეს არის უდიდესი შანსი ქალაქისთვის, სადაც ახალგაზრდებისთვის სამუშაო ადგილები არ არსებობს.
პროექტის იდეია შეგიძლიათ იხილოთ ბმულზე-
https://kutaisipb.blogspot.com/2020/10/blog-post_62.html
იდეის ავტორი: მარიამ ერგემლიძე
Ძალიან მაგარი იდეაა, თბილის თუ აქვს საშობაო სოფელი ქუთაისი რითია ნაკლები
ReplyDelete