Skip to main content

აქტიური ახალგაზრდები - მომავლის ქუთაისი

   პროექტის დასახელება: აქტიური ახალგაზრდები - მომავლის ქუთაისი

პროექტის განცორციელების ადგილი: ქალაქ ქუთაისის 12-ივე ადმინისტრაციული ერთეული

პროექტის კლასიფიკაცია: სხვადასხვა სოციალური ჯგუფების 14-29 წლის ასაკის ახალგაზრდები

პროექტის პოტენციური მომხმარებელი: ახალგაზრდობა, სტუდენტები, სხვა

საჭიროება/პრობლემა, რომლის გადაჭრას ითვალისწინებს საპროექტო წინადადება:  2020 წლის კვლევის “ახალგაზრდული პოლიტიკის განხორციელება ადგილობრივ დონეზე: იმერეთი და თბილისი”, (განხორციელდა საქართველოს პარლამენტის სპორტისა და ახალგაზრდულ საქმეთა კომიტეტისა და ფრიდრიხ ებერტის ფონდის თანამშრომლობით) შედეგები უჩვენებს, რომ ადგილობრივ დონეზე ახალგაზრდული პოლიტიკის იმპლემენტაციისთვის იმერეთის რეგიონის მუნიციპალიტეტების მიერ განხორციელებული აქტივობები ერთფეროვანია. ისინი ახალგაზრდებისთვის არაფორმალური განათლების მიწოდებას და მათში კონკრეტული კომპეტენციების განვითარებას ნაკლებად გულისხმობს.
ამავე კვლევაში საერთაშორისო და ადგილობრივი ექსპერტების რეკომენდაცია ახალგაზრდების ჩართულობის შესახებ, ეფუძნება ზოგადი განათლების ამაღლებას და თანამედროვე ადამიანისათვის აუცილებელი კომპეტენციების განვითარებას.
პროექტის ფარგლებში მოხდება არაფორმალური განათლების გზით ქუთაისის 12-ივე ადმინისტრაციულ ერთეულში მცხოვრები სხვადასხვა სოციალური ჯგუფების 14-29 წლის 240 ახალგაზრდის გაძლიერება არაფორმალური განათლების გზით მოქალაქეობრივ კომპეტენციაში.

პროექტის აღწერა: პროექტის "აქტიური ახალგაზრდები_ მომავლის ქუთაისი" მიზანია წვლილი შეიტანოს ქალაქ ქუთაისში ახალგაზრდებისთვის ინკლუზიური, სრულფასოვანი და მდგრადი განვითარებისათვის შესაბამისი გარემოს შექმნაში. კერძოდ, ეს მოხდება ქუთაისის მუნიციპალიტეტის დონეზე 2 მიმართულებით: 1. ქალაქი ქუთაისის 12-ივე ადმინისტრაციულ ერთეულში მცხოვრები სხვადასხვა სოციალური ჯგუფების წარმოამდგენელი ახალგაზრდების გაძლიერება არაფორმალური განათლების გზით_ რაც გულისხმობს 14-29 წლის 240 ახალგაზრდისთვის მოქალაქეობრივი კომპეტენციის განვითარებას ტრენინგ-ციკლის მეშვეობით. კერძოდ, მოქალაქეობრივი კომპეტენციის განვითარებისთვის ახალგაზრდები გაივლიან შემდეგ თემატური მოდულებს: 1. დემოკრატიული საფუძვლები; 2. მონაწილეობა; 3. ადამიანის უფლებები და თავისუფლებები; 4. ისტორია და პოლიტიკური იდეოლოგიები; 5. პრაქტიკული სამართალი; 6. სამოქალაქო უსაფრთხოება;
2. საინფორმაციო პლატფორმის შექმნა მუნიციპალიტეში ახალგაზრდებისათვის ინფორმაციაზე ხელმისაწვდომობის გაზრდის მიზნით;.
ზემოთაღნიშნული განხორციელდება შემდეგნაირად: ამ უშუალო მიზნის განხორციელება გულისხმობს ქუთაისის მუნიციპალიტეტის 12-ივე ადმინისტრაციულ ერთეულში (კახიანოური, ავტოქარხანა და ა.შ) მცხოვრები 240 ახალგაზრდის გაძლიერებას_ თითოეული ადმინისტრაციული ერთეულიდან (20) ოცი 14-29 წლის ახალგაზრდა, რომელთა შერჩევა დაეფუძნება გენდერულ ბალანსსა და მოწყვლადი ჯგუფების წარმომადგენლობას. მაგალითად: დევნილები, შშმ პირები, ეთნიკური უმცირესობის წარმომადგენლები, სხვადასხვა სახელმწიფო სერვისებში განთავსებული და ასევე სხვა სოციალური სტატუსის მქონე ოჯახების ახალგაზრდები. მოწყვლადი ჯგუფების წარმომადგენელი ახალგაზრდების ჩართულობის უზრუნველსაყოფად, ტრენინგები ჩატარდება თავადვე მუნიციპალურ ერთეულში არსებულ სივრცებში. თითოეული ტრენინგის დროს მონაწილეებისთვის განისაზღვრება კვება. აღნიშნული ინტერვენცია ხელს შეუწყობს ახალგაზრდების პროექტით განსაზღვრულ აქტივობებში მაქსიმალურ ჩართულობას. თითეულ ადმინისტრაციულ ერთეულში ჩატარდება ჯამში 6 ტრენინგი ერთი და იგივე 20 ახალგაზრდისაგან შემდგარ ჯგუფთან. ჯამში კი სულ 72 ტრენინგი.
რაც შეეხება საინფორმაციო პლატფორმის შექმნას, ახალგაზრდების გაძლიერებისთვის მნიშვნელოვან საშუალებას წარმოადგენს ერთიანი ონლაინ პლატფორმა, რომელიც უზრუნველყოფს მუნიციპალიტეტში მცხოვრები 14-29 წლის ახალგაზრდების ინფორმირებულობის გაზრდას, ჩართულობის წახალისებას და თანაბარი ხელმისაწვდომობის უზრუნველყოფას მუნიციპალური მასშტაბით. პროექტის დაწყებიდან 1 თვის შემდეგ, დაიწყება ერთიან ონლაინ პლატფორმაზე მუშაობა. თანაბარი ხელმისაწვდომობიდან გამომდინარე, პროექტის რეალობაში ეს იქნება სოციალურ ქსელ ფეისბუკში შექმნილი დახურული ჯგუფი ქუთაისის მუნიციპალიტეტისათვის. ჯგუფს პროექტის დასრულებამდე გამართავს პროექტის ფარგლებში დაკონტრაქტებული ტექნიკური ასისტენტი. პროექტის დასრულების შემდეგ, ჯგუფის საინფორმაციო-საგანმანათლებლო ფუნქციით დატვირთვაზე ერთობლივად იმუშვებენ 1 წლის განმავლობაში პროექტში ჩართული ახალგაზრდები და მუნიციპალიტეტის ახალგაზრდულ საქმიანობასთან დაკავშირებული პირები. პროექტის დასრულებიდან მეორე წელს, ჯგუფი დამოუკიდებლად სამართავად გადაეცემა მუნიციპალიტეტების ახალგაზრდულ საქმეთა სამსახურს.

პროექტის სავარაუდო ღირებულება: 16 700

იდეის ავტორი: მაკა ცერცვაძე

Comments

Popular posts from this blog

პროექტების ათეული 2020

 იხილეთ, მონაწილეობითი ბიუჯეტირება 2020-ის შემდეგ ეტაპზე გადასული პროექტების ათეული: 1)  მწვანე კუნძულები - https://kutaisipb.blogspot.com/2020/10/blog-post_68.html 2)  ვუყუროთ გარეთ -   https://kutaisipb.blogspot.com/2020/10/blog-post_17.html 3) ქუჩის ისტორიული მხატვრობა/გრაფიტი -   https://kutaisipb.blogspot.com/2020/10/blog-post_73.html 4)  ქუთაისის კალენდარი -  https://kutaisipb.blogspot.com/2020/10/blog-post_26.html 5) თეთრი ღამეები -  https://kutaisipb.blogspot.com/2020/10/blog-post_62.html 6)  შ.შ.მ სწავლება და დასაქმება -  https://kutaisipb.blogspot.com/2020/10/blog-post_58.html 7)  პროპკის ტყის ტურისტულ ზონად გადაქცევა  -  https://kutaisipb.blogspot.com/2020/10/blog-post_76.html 8) Oktoberfest -  https://kutaisipb.blogspot.com/2020/10/oktoberfest.html 9)  სადეზინფექციო ჯიხურები - ბარერი (COVID-19)-ის წინააღმდეგ -  https://kutaisipb.blogspot.com/2020/10/covid-19.html 10)  სივრცე სკეიტბორდერებისთ...

ვუყუროთ გარეთ

    პროექტის დასახელება:  ვუყუროთ გარეთ პროექტის განცორციელების ადგილი :  ქუთაისი, ნიუპორტის და გაპონოვის ქუჩების კვეთა, სკვერი პროექტის კლასიფიკაცია:  საზოგადოებრივი სივრცე, რომელიც მოიცავს კულტურას, განათლებას, ინფრასტრუქტურას პროექტის პოტენციური მომხმარებელი:  ახალგაზრდობა, საშუალო ასაკის, სტუდენტები, ქალები, შშმ. პირები, ტურისტები საჭიროება/პრობლემა, რომლის გადაჭრას ითვალისწინებს საპროექტო წინადადება :   ქუთაისში, მიუხედავად ბოლო დროს გაშენებული ბევრი სკვერისა და პარკისა, არსებული კინო-თეატრებისა, არ არსებობს ნახევრად ღია სივრცე, სადაც შესაძლებელი იქნება ტრენინგ-სემინარების, მინი ღონისძებების, შეხვედრების გამართვა, მათ შორის წვიმიან და ცივ ამინდში, განსაკუთრებით არ გვაქვს მსგავსი სივრცე შშმ პირებისთვის. COVID-19ის დროს დაწესებულმა შეზღუდვებმა დაგვანახა, რომ საჭიროა ისე ტიპის ნახევრად ღია სივრცეების მოწყობა, სადაც გადაინაცვლებს სხვადასხვა ღონისძიებები და არ არმოვჩნდებით ცაიტნოტში. ნახევრად ღია სივრცე, ხელს შეუწყობს მოქალაქეებს, ორგანიზაციებს, ჩაატარ...

ყოველწიური კონკურსი "ჩემი ლამაზი ქალაქი"

მე ვარ ბიზნეს კონსულტანტი, ვეხმარები მცირე და საშუალო ბიზნესებს საინვესტიციო წინადადებების, ბიზნეს გეგმების ჩამოყალიბებაში, პროდუქციის განვითარების შესახებ გადაწყვეტილებების მიღებაში. ვარ არასამთავრობო ორგანიზაციის „ბიზნესის ხელშემწყობი ცენტრი ქუთაისის“    დამფუძნებელი და დირექტორი. მონაწილეობითი ბიუჯეტირების პროექტის შესახებ ნაცნობებთან საუბრის შესახებ გავიგე.   ჩემი იდეა ყოველწლიური კონკურსი "ჩემი ლამაზი ქალაქი" გულისხმობს ქალაქში ყოველწლიური კონკურსის მოწყობას ფულადი პრიზებით იმ ყველაზე ლამაზი სკვერების, აივნების და კერძო ეზოების გამოსავლენად, რომლებსაც მოსახლეობა თავიანთი ხარჯებით მოაწყობს. ეს შეუწყობს ქალაქის იერსახის გაუმჯობესებას და აივნების, სკვერების და კერძო ეზოების ლამაზად მორთვის ტრადიციად დამკვიდრებას. დღეს ქალაქში კორპუსული ბინების აივნები, კოსრუსების შიდა ეზო-სკერები არ გამოირჩევა გამწვანების სილამაზით და კრეატიული მიმზიდველობით, როგორც ეს ევროპის პატარა და საშუალო ზომის ქალაქებშია. ის რაც მოსახლეობამ საკუთარი მინიმალური ხარჯებით უნდა გააკეთოს არ ხდება და ა...