პროექტის დასახელება: მწვანე კუნძულები
პროექტის განცორციელების ადგილი: ქუთაისი ლომონოსოვის ქუჩა
პროექტის კლასიფიკაცია: გამწვანება
პროექტის პოტენციური მომხმარებელი: ახალგაზრდობა, სტუდენტები, ტურისტები
საჭიროება/პრობლემა, რომლის გადაჭრას ითვალისწინებს საპროექტო წინადადება:
ჯაზის რეპროდუქციებით კედლის მოხატვამ მნიშვნელოვანი პოპულარობა მოუტანა ადგილობრივ ახალგაზრდებს,სტუდენტებსა და ჩამოსულ ვიზიტორებს შორის პატარა ლომონოსოვის ქუჩას.თუმცა იმის გამო რომ ქუჩაზე პრაქტიკულად არ არსებობს სიმწვანის ნაირსახეობა,რაც ქუჩას უდაბურს ხდის და მხოლოდ ტრანზიტულ ფუნქციას ანიჭებს,გაჩნდა საჭიროება ქუჩამ თავშეყრისა და განტვირთვის ფუნქციაც შეიძინოს.ამისათვის შევიმუშავეთ მარადმწვანე ორანჟირეის კონსტრუქტი,რომელიც აგრეთვე წარმოადგენს მწვანე სკვერს ადგილობრივი მოსახლეობის განტვირთვა-დასვენებისთვის.
პროექტის აღწერა: უნივერსიტეტის,რამოდენიმე საჯარო,კერძო თუ სპორტული სკოლის ახლომდებარეობამ ლომონოსოვის ქუჩა მეტად აქტიური და მოძრავი გახადა.აღსანიშნავია ისიც რომ წლიდან წლამდე იზრდება ოთახებისა თუ ცალკეული ბინების დამქირავებელი სტუდენტების რაოდენობა და რიგ შემთხვევაში სახლებისა თუ ბინების სასტუმროდ თუ ჰოსტელად გადაკეთების ტენდენცია.ისედაც მცირე ქუჩაზე ეს მოხატული კედელი სრული ურბანული სურათისთვის ზედმიწევნით ეფექტურია,თუმცა ქუჩაზე ფლორის სრულმა არ არსებობამ ახალი კონსტრუქტ-კონცეფცია წარმოშვა რომელიც ქუჩას მეტ ფუნქციასა და მიმზიდველობას შესძენს.ეს არის კედლის გასწვრივ ერთგვარი "მწვანე კუნძულის"გაშენება,რომელიც წარმოდგენილია კორიდორ-ორანჟერეის სახით რომლის ესკიზი და ნახაზი შევიმუშავეთ და საჭიროების შემთხვევაში მზად ვართ წარსადგენად.ასევე მოვიფიქრეთ დასაჯდომ-მოსასვენებელი ზონების სპეციფიური, კედელთან შესაბამისი თემატურობით შეზავებული ვარიაციები.კონსტრუქცია წარმოადგენს ერთგვარ შეკიდულ ტენტს რომელიც თაღოვანი რკალით გაზდევს მთელ კედელს,რომელიც გამწვანების შედეგად იღებს გადახურული ორანჟერეის სახეს.ამასთანავე ახლებურადაა გააზრებული კედლის განათება და ინფრასტრუქტურული განლაგება-ინვენტარიზაცია.დავამზადეთ სპეციფიური სკამ-განათების ვარიაციები(ესკიზების სახით) რომლებიც მუსიკალური ინსტრუმენტებისა თუ მუსიკალური აქსესუარების სახეცვლილ,სკვერის თვის ადაპტირებულ ფორმას წარმოადგენენ.ავღნიშნავ იმასაც რომ ამ ქუჩაზე კიდევ არსებობს რამოდენიმე კედელი რომელიც შეიძლება მოიხატოს შესაბამისი კონცეფციის(ჯაზის თემატიკა) ფარგლებში იმისათვის რომ ქუჩამ მთლიანი,სრული,ერთიანი სახე შეიძინოს.
პროექტის სავარაუდო ღირებულება: 10 000
იდეის ავტორი: ლევან ბიბილეიშვილი
Comments
Post a Comment