პირველადი სამედიცინო დახმარების კურსი იმერეთში რეგისტრირებული ტურისტული ორგანიზაციებისთვის

  პროექტის დასახელება: პირველადი სამედიცინო დახმარების კურსი იმერეთში რეგისტრირებული ტურისტული ორგანიზაციებისთვის

პროექტის განცორციელების ადგილი: ქუთაისი

პროექტის კლასიფიკაცია: ტურიზმი

პროექტის პოტენციური მომხმარებელი: ახალგაზრდობა, საშუალო ასაკის, სხვა

საჭიროება/პრობლემა, რომლის გადაჭრას ითვალისწინებს საპროექტო წინადადება:  ტურიზმი ერთერთი პრიორიტეტული და სწრაფად განვითარებადი მიმართულებაა ჩვენს ქვეყანაში. თუ პანდემიურ მდგომარეობას არ ჩავთვლით, უკანასკნელ წლებში ტურისტების მზარდმა რაოდენობამ როგორც ინფრასტრუქტურის, ისე ბევრი სერვისის სწრაფად განვითარების, დახვეწის და გაუმჯობესების საჭიროება შექმნა, მათ შორის უპირველეს ადგილზეა ტურისტების უსაფრთხოებისა და ჯანმრთელობის უზრუნველყოფის საკითხი. აღნიშნული კურსი ვფიქრობთ სავალდებულო უნდა იყოს ტურისტული გიდებისა და ტურისტული მარშუტების მღოლებისთვის, რათა ისინი ფლობდნენ სათანადო ცოდნას პირველადი გადაუდებელი სამედიცინო დახმარების, ექსტრემალურ მდგომარეობებში სწორი და დროული სამედიცინო ჩარევის შესახებ, რაც მნიშვნელოვნად შეამცირებს ტურისტების ჯანმრთელობასთან დაკავშირებულ რისკებსა და გართულებებს.
ასევე ბუნებრივია გაიზრდება ტურისტების სანდოობის ხარისხი სათანადო მომზადების მქონე ტურისტული კომპანიებისა და გიდების მიმართ.

პროექტის აღწერა: პროექტი მიზნად ისახავს იმერეთის რეგიონში რეგისტრირებული ტურისტული ორგანიზაციების თანამშრომლებს, უპირველეს ყოვლისა ტურისტულ გიდებსა და მძღოლებს შესთავაზოს პირველადი სამედიცინო დახმარების სრული კურსი.

კურსის ორგანიზება მოხდება სამედიცინო ტურიზმისა და ჯანმრთელობის ცენტრი „ტოგო-ჯორჯია“-ს ორგანიზებით. კურსის წარმატებით გავლის შემთხვევაში გაიცემა ორენოვანი (ქართულ-ინგლისური) სერტიფიკატი.
პირველადი სამედიცინო დახმარების სრული კურსი მოიცავს 2 დღიან თეორიულ და პრაქტიკულ მომზადებას ისეთ საკითხებში როგორიცაა საველე პირობებში მიღებული დაზიანებების; ტრავმები, სისხლდება, მოწამვლა, გონების დაარგვა და სხვ. პირველადი დახმარება და სწორი მართვა, სიპიარი, დაზარალებულის უსაფრთხო ტრანსორტირება და ტურების დროს აუცილებელი სამედიცინო აღჭურვილობა. სწავლების პროცესში გამოყენებული იქნება ვიზუალური თუ ტექნიკური საშუალებები; მულაჟები, ხელსაწყო-ინსტრუმენტები, პრეზენტაცია, ვიდეომასალა და ჰენდაუთები.
კურსის დასრულების შემდგომ ჩატარდება დასკვნითი გამოცდა, რის საფუძველზეც გაიცემა ორენოვანი სერტიფიკატი. გამოცდაზე არადამაკმაყოფილებელი ქულის მიღების შემთხვევაში მონაწილე განმეორებით ვეღარ ისარგებლებს აღნიშნული პროგრამით, თუმცა მიეცემა განმეორებით გამოცდაზე გასვლის კიდევ ერთი შანსი.
პროექტი ითვალისწინებს 80 პირის გადამზადებას. თითოეული კურსი გათვლილი იქნება არაუმეტეს 20 მონაწილეზე. კურსზე დასწრების მსურველებიდან პრიორიტეტი პირველ ეტპზე მიენიჭებათ გიდებსა და მძღოლებს, ხოლო შემდგომ ტურისტული კომპანიების სხვა თანამშრომლებს.
პროექტის განხორციელების საშუალო ხანგრძლივობაა 8 თვე და მოიცავს შემდეგ ეტაპებს:
1. მოსამზადებელ პერიოდი - 2თვე: ინვენტარის შეძენა, სასწავლო მასალების მომზადება, პროექტის შესახებ კომპანიების ინფორმირება.
2. უშუალოდ პროექტის განხორციელების ეტაპი - 4-5 თვე.
3. პროექტის დასკვნითი ანგარიშების მომზადება - 1თვე
პროექტის დაფინანსების შემთხვევაში იმერეთის რეგიონი იქნება პირველი ინიციატორი მსგავსი, მასშტაბური წამოწყების, შესაბამისად პირველი რეგიონი, რომელსაც ეყოლება გადაუდებელ სამედიცინო დახმარებასა და ჯანმრთელობის უსაფრთხოებაში მაღალ დონეზე მომზადებული, სერტიფიცირებული ტურისტული მუშაკები. აღნიშნული წამოწყება იქნება სტიმული სხვა რეგიონებისთვის და ვფიქრობთ საბოლოოდ ხელს შეუწყობს სავალდებულო გახდეს პირველადი სამედიცინო დახმარების კურსი ტურიზმის სფეროში მომუშავე პირებისთვის.

პროექტის სავარაუდო ღირებულება: 10 000

იდეის ავტორი: ეთერ ტოგონიძე