ქუთაისში მასშტაბური პლენერის მოწყობის იდეა,
მეგობართან დისკუსიში გაჩნნდა, როცა ვფიქრობდით, თუ რა შეიძლებოდა გაკეთებულიყო ქუთაისში,
რაც გამოაცოცხლებდა ქალაქის კულტურულ ცხოვრებას. ახალგაზრდებს, რომლებას ქუთაისში ცხოვრება
უნდათ მისცემდა თანამედროვე ხელოვნებასთან წვდომის საშუალებას.
სამდღიან ფესტივალზე მოწვეულნი იქნებიან ქვეყნის
გამოჩენილი არტისტები და ხელოვანები. ღონისძიების ორი დღე დაეთმობა ხატვის პროცესს,დამთვალიერებლები
შეძლებენ ღია ცის ქვეშ ცოცხალი მუსიკის თანხლებით დააკვირდნენ თუ როგორ იქმნება ის
ნამუშევრები, რომელთა ნახვასაც აქამდე მხოლოდ დასრულებული სახით ახერხებდნენ გალერეებსა
და მუზეუმებში.
პლენერის კიდევ ერთი უმთავრესი მიზანი არის
ტურისტული კუთხით ქალაქის გაცოცხლება. ჩვენი გუნდი მაქსიმალურად ეცდება პროპაგანდა გაუწიოს
ღონისძიებას ტურისტებში. ჩვენ მაქსიმალურად მივაწვდენთ ხმას ჩვენი ქალაქის სტუმრებს
დაგეგმილი ღონისძიების შესახებ. ქალაქის ბრენდირების
პროცესში ხელოვნების პროექტი ღირსეულ წვლილს შეიტანს და თავს დაიმკვიდრებს როგორც მაღალი
სტანდარტების კულტურული ღონისძიება - ხელოვნების პლენერი / ქუთაისი 2020.
ხელოვნების პლენერი იქნება პროექტი ყველასთვის:
ქუთაისელებისთვის, ხელოვანებისთვის, ტურისტებისთვის, თითოეული ჩვენთაგანისთვის.
იდეის ავტორი: ივანე გოშხეთელიანი
Comments
Post a Comment