2019
წლის ქუთაისის მონაწილეობითი ბიუჯეტირების პროექტი დასასრულს მიუახლოვდა. ქუთაისის
მოსახლეობამ მერის მრჩეველთა საბჭოს მიერ შერჩეული 10 იდეიდან 3-ს მისცა განხორციელების
საშუალება. ვინც ხმის მიცემის პროცესს თვალს ადევნებდა, დაგვეთანხმებით კონკურენცია
საკმაოდ დაძაბული იყო პროექტებს შორის, საბოლოო შედეგიც კი საკმაოდ მოულოდნელი დადგა.
პირველ
ადგილზე გასული პროექტი „წყალწითელას სანაპიროს მოწყობა“ ინფრასტრუქტურული პროექტი
იყო, რომელმაც 446 ხმა მოაგროვა. პროექტის ავტორი გაგა ამბროლაძე გახლდათ. იდეის დასახელებაც
კარგად აღწერს მის არსს, იგი ეხება მდინარის სანაპიროს კეთილმოწყობასა და მოწესრიგებას,
სანაპიროზე ახლაც ისედაც ხშირადაა ხალხმრავლობა და პროექტის განხორციელების შედეგად
ახალი, მოწესრიგებული თავშეყრის სივრცეს მივიღებთ.
მეორე
ადგილზე გასული პროექტი „ხელოვნების პლენერი/ქუთაისი 2020“-ია, ის მხოლოდ 6 ხმით ჩამოუვარდა
წინამორბედს და 440 ხმა მოაგროვა. ეს იდეა მეგობრებმა შემოიტანეს, ღონისძიება გულისხმობს ქუთაისში მასშტაბური სამდღიან ფესტივალის მოწყობას.
მოწვეულნი იქნებიან ქვეყნის გამოჩენილი არტისტები და ხელოვანები. სტუმრები შეძლებენ
ღია ცის ქვეშ ცოცხალი მუსიკის თანხლებით დააკვირდნენ თუ როგორ იქმნება ის ნამუშევრები,რომელთა
ნახვასაც აქამდე მხოლოდ დასრულებული სახით ახერხებდნენ გალერეებსა და მუზეუმებში.
მესამე
ადგილზე გასული პროექტი „მიწისქვეშა გადასასვლელი, როგორც უსაფრთხო გადაადგილების საშუალება
და "ანდერგრაუნდ" საგამოფენო-გასართობი სივრცე“ გახდა 394 ხმით. გრძელი სათაურით
იდეის ავტორმა მაგდა ფურცხვანიძემ მარტივად დაგვანახა როგორი კრეატიული მიზნით შეიძლება გამოვიყენოთ, ჩვენთვის უბრალოდ მიწისქვეშა
გადასასვლელი საშუალება.
შემდეგ ეტაპზე ავტორებისა და მერიის ერთობლივი ძალისხმევით მოხდება იდეები პროექტის ფორმას მიიღებს და მზად იქნება რეალიზაციისათვის.
Comments
Post a Comment