პროექტის იდეა ლიდერთა კლუბში გაჩნდა, ჯერ
კიდევ 2018 წელს. 2019 წელს მონაწილოებითი ბიუჯეტირების პროექტმა მისი რეალიზაციის
შესაძლებლობა გააჩინა.
კვლევის შედეგად
გამოვლინდა, რომ ქუთაისს
ყავს ოლიმპიური და მსოფლიო ჩემპიონები. სულ 10 პირი. პროექტი
გულისხმობს სათანადო ადგილის შერჩევას, სადაც განთავსდება ლაით-ბოქსი 10 ჩემპიონის ციფრული სურათებით. თითოეულ ფოტოსთან ერთად დატანილი იქნება სპორტსმენის მინი ბიოგრაფიული ცნობარი. ცნობილ
კულტურის მოღვაწეებთან ერთად ქუთაისი
სპორტის გამორჩეულ ოსტატთა, ვარსკვლავებისა
და ჩემპიონების ქალაქიცაა.ინფორმაციის ზეპირსიტყვიერი და ბეჭდური წყაროები უკვე აღარაა საკმარისი ამავე ინფორმაციის განსავრცობად, არადა სიამაყის გრძნობა საკუთარი ქალაქით ყველა მოქალაქისთვის სასურველია. წარმოდგენილი პროექტი ქუთაისის საჩემპიონო ცხოვრების შესახებ ინფორმაციის გავრცელების ახლებური ფორმაა. კერძოდ, გვაქვს სურვილი ყველა ადგილობრივ მცხოვრებსა თუ ვიზიტორს ქალაქის ქუჩებში ერთჯერადი გადაადგილების შემთხვევაშიც კი ვაცნობოთ და თან გავატანოთ ინფორმაცია ჩვენი საამაყო სპორტული ცხოვრების შესახებ, მით უფრო, რომ სპორტი სულ უფრო და უფრო პოპულარული ხდება მსოფლიოში და უფრო მეტ თაყვანისცემას იმსახურებს გულშემატკივართა მხრიდან. საამაყო სპორტსმენთა ღვაწლის დაფასებასთან ერთად ეს იქნება სტიმული ახალგაზრდობისთვის, რომ მისდიონ მათ ნაკვალევს.
იდეის ავტორი: ნინო ბუცხრიკიძე
Comments
Post a Comment