ახალი ტურისტული სივრცე მდინარე რიონის სანაპიროზე - ირაკლი გოგლიჩიძე

     მდინარე რიონი, რომელიც ცოცხალი ორგანიზმია ქალაქში, მთელი  სანაპირო ზოლით რატომღაც მიუწვდომელი და აუთვისებელია მისი როლი ქალაქის კულტურულ და ეკონომიკურ აქტივობებში, გამოუყენებელია ასევე მდინარის, როგორც ფსიქო-გამაჯანსაღებელი გარემოს პოტენციალი. პროექტი შეიძლება განვიხილოთ როგორც ქსელი, რომელიც სტილისტური ერთიანობით შეიძლება განთავსდეს სანაპიროს სხვადასხვა ლოკაციებზე. პროექტს შეუძლია რიონის სანაპირო შეავსოს ახალი სასიცოცხლო ენერგიით. იდეას აქვს ანალოგები ევროპის ქალაქებში.

     ახალი ლანდშაპტური დაგეგმარება, საერთო პეიზაჟის რენოვაცია და მოდიფიცირება და სივრცითი ჩარევა მდინარე რიონზე არიტექტურული ამბიციების და ვიზიტორთა ინტერესების დაკმაყოფილებას გამოიწვევს. პროექტი შეიძლება განვიხილოთ ტურისტული ინფრასტრუქტურის ჭრილში, რომელიც ადგილის პოპულარობის ზრდასთან ერთად მდინარის ნაპირების ათვისებისათვის სხვადასხვა პროექტების განხორციელებას მისცემს ბიძგს. ამ მხრივ ეს მნიშვნელოვანი საპილოტე პროექტად შეიძლება მივიჩნიოთ, რომელიც ინვესტორთა ინტერესსაც გაააქტიურებს. რეკრეაციული პავილიონი განკუთვნილია სხვადასხვა კულტურულ-შემეცნებითი და დასვენების მიზნით, საღამოებისათვის, მხატვრობის, მუსიკის, პოეზიის და წიგნის მოყვარულთათვის, ვიზიტორთათვის და ყველასათვის, ვისაც სურთ  განტვირთვა მდინარის პირთან.  პავილიონის თავზე სპეციალურად მოწყობილი გამწვანება სხვადასხვა კლიმატური პირობებისაგან დასაცავადაც იქნება გამოყენებული. ადგილი ასევე მიმზიდველი გახდება შეყვარებული წყვილთათვის, რომლებიც გულწრფელობისა და გრძნობების გამოხატვის ფონზე თამამად შესძლებენ სამახსოვრო ფოტოების გადაღებას. პროექტს პოზიტიურად და დადებითად მიიღებს ნებისმიერი ასაკის და თაობის ადამიანი. პროექტი კიდევ უფრო პოპულარობას მოუტანს სანაპირო ზოლს და გაზრდის სამოქალაქო კმაყოფილებას.

იდეის ავტორი: ირაკლი გოგლიჩიძე